На падставе Інструкцыі аб парадку аказання маючым патрэбу пажылым і непрацаздольным грамадзянам матэрыяльнай дапамогі са сродкаў Фонду сацыяльнай абароны насельніцтва Міністэрства працы і сацыяльнай абароны Рэспублікі Беларусь ад 03.08.2001г. № 9 (у рэдакцыі ад 29.12.2007г. № 191) Цэнтр прымае і разглядае заявы ад непрацаздольных грамадзян - атрымальнікаў пенсій ва ўпраўленні па працы, занятасці і сацыяльнай абароне Баранавіцкага гарвыканкама:

• непрацуючых пенсіянераў, якія дасягнулі ўзросту, які дае права на пенсію па ўзросту на агульных падставах;
• непрацуючых інвалідаў;
• дзяцей-інвалідаў.

Матэрыяльная дапамога аказваецца грамадзянам, якія маюць у гэтым патрэбу, у выпадках:

• прычынення шкоды іх здароўю і (або) маёмасці ў выніку стыхійных бедстваў (пажараў, засух, паводак і іншых), тэхнагенных катастроф, крадзяжоў асабістай маёмасці;
• узнікнення іншых сітуацый, якія аб'ектыўна парушаюць іх нармальную жыццядзейнасць і складаных для самастойнага вырашэння, якія патрабуюць аператыўнага аказання матэрыяльнай дапамогі.

Заявы грамадзян аб аказанні матэрыяльнай дапамогі складаецца заяўнікамі (іх законнымі прадстаўнікамі) уласнаручна з падрабязным канстатаваннем фактаў знаходжання ў сітуацыі, якая аб'ектыўна парушае нармальную жыццядзейнасць і складаная для самастойнага вырашэння, якая патрабуе аператыўнага аказання матэрыяльнай дапамогі.

Патрэбнасць грамадзяніна ў аказанні матэрыяльнай дапамогі можа пацвярджацца дакументальна (медыцынскім эпікрызам, актам аб пажары, даведкай з органаў унутраных спраў аб крадзяжы маёмасці, накіраваннем арганізацыі аховы здароўя на праходжанне лячэння маючых патрэбу ў дапамозе, копіяй рэцэптаў з указаннем пераліку лекавых сродкаў і іх кошту, іншымі дакументамі) .

Пенсіянерам, інвалідам, дзецям-інвалідам, якія знаходзяцца на дзяржаўным забеспячэнні ў стацыянарных установах сацыяльнага абслугоўвання, матэрыяльная дапамога не аказваецца.

Матэрыяльная дапамога аказваецца не больш за адзін раз на працягу каляндарнага года ў памеры, які не перавышае памер аднаго бюджэту пражытачнага мінімуму на падставе:

• заявы;
• акта абследавання матэрыяльна-бытавога становішча;
• і пры неабходнасці іншых дакументаў, якія пацвярджаюць патрэбнасць пенсіянера, інваліда, дзіцяці-інваліда.

Памер матэрыяльнай дапамогі ўстанаўліваецца ў кожным канкрэтным выпадку індывідуальна.

Пры разглядзе заявы ўлічваецца памер пенсіі, наяўнасць дзяцей, абавязаных па законе дапамагаць сваім непрацаздольным бацькам, дакументальнае пацвярджэнне цяжкай жыццёвай сітуацыі (расходаў на яе вырашэнне).

Па пытанні аказання матэрыяльнай дапамогі неабходна звяртацца ў ГУ "Ганцавіцкі тэрытарыяльны цэнтр сацыяльнага абслугоўвання насельніцтва" па адрасе: г. Ганцавічы, вул. Матросава, 64Б, каб. 3, тэлефон: 6-40-44, альбо па электроннай пошце: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.